Pensionet, si te plotesohen vitet

Vitet e humbura te punes tashme mund te sigurohen. Instituti i Sigurimeve Shoqerore ka publikuar menyrat per te plotesuar vitet e munguara ne sigurimet shoqerore, apo edhe muajt, te cilat kane mbetur pa kontribute per shkaqe te ndryshme. Kjo do te thote se te gjithe ata persona, qe kane mangesi ne periudhat e tyre te sigurimeve mund t'i plotesojne, qofshin edhe shtetas qe jetojne jashte vendit.

"Gjate kesaj periudhe mund te kete pasur njerez qe kane levizur nga njera pune te tjetra me periudha te shkurtra ne pritje, duke humbur keshtu muaj ose edhe vite ne pritje. Por ka edhe shume nga ata qe per shkak te migrimit nga nje qytet ne tjetren te kene mbetur nje periudhe pa paguar, ose te afermit e tyre deri ne gjetjen e punes se re", shpjegon drejtori i Drejtorise se Kontributeve ne ISSH, Naim Balluku. Sipas tij, kategorite me emergjente per t'iu pershtatur skemes se kontributit permes pageses vullnetare jane pikerisht ata qe kane kontribuar ne vite dhe tashme jane ne prag te pensionit. "Duhet t'u kujtojme se pas mbushjes se moshes se pensionit, apo ne rast te kalimit ne invaliditet, pagesa eshte e pavlefshme, pasi ajo duhet kryer perpara periudhes qe kerkohet perfitimi", shprehet Balluku, duke kujtuar se vetem gjate viteve te fundit, jane hasur humbje nga banore te ndryshem qe nga neglizhenca nuk kane plotesuar 15 vite per pensionin minimal, apo 35 vitet e pensionit maksimal. Pikerisht verifikimi i ketyre periudhave dhe me pas plotesimi i tyre do t'u jap mundesi ketyre personave qe te mund te perfitojne pensione.

Ekspertet e ISSH-se theksojne se, kur per nje arsye apo nje tjeter personat nuk jane te siguruar nga skema e sigurimit te detyrueshem, ata kane te drejten e sigurimit vullnetar. "Vazhdim vullnetar te sigurimit kane te drejte te bejne personat e interesuar, te cilet jane larguar nga sigurimi i detyrueshem dhe nepermjet marreveshjes per kete fushe sigurimi, vazhdojne sigurimin per te gjitha deget e sigurimit te detyrueshem. Ata kane te drejte te paguajne kontribute deri ne nivelin maksimal, per perfitime deri ne nivelin maksimal", shprehen ekspertet e deges se kontributeve ne ISSH, duke kujtuar se kjo kontrate vlen nese kontribuesi e ka te pakten nje vit kontrate me keto pagesa. Nderkohe, drejtori Balluku ka saktesuar se, mbulim vullnetar te periudhave te kaluara kane te drejte te bejne personat e interesuar, te cilet paguajne kontribute vullnetare per periudhat e kaluara dhe jo per vitin korent. Kontributi qe do te paguhet, do te jete ne masen e kontributit minimal ne kohen e pageses se tyre. Perfitimet ne kete fushe jane vetem per pension pleqerie, invaliditeti dhe familjar. "Por, sigurim vullnetar kane te drejte te bejne personat e interesuar, te cilet nuk jane ekonomikisht aktive dhe sigurohen per vitin korent. Ata kane te drejte te paguajne kontribute deri ne nivelin maksimal, per te perfituar deri ne nivelin maksimal te pensionit te pleqerise, invaliditetit dhe atij familjar", thekson Balluku. Nderkaq, ai ka shpjeguar se, nuk lejohet pagesa e kontributeve per periudhat e kaluara ne fushen e sigurimit te paaftesise se perkohshme ne pune, aksidentet ne pune e semundjet profesionale.

Kush mund te bej sigurim vullnetar:

Vazhdim vullnetar te sigurimit kane te drejte te bejne personat e interesuar te cilet jane larguar nga sigurimi i detyrueshem dhe nepermjet marreveshjes per kete fushe sigurimi, vazhdojne sigurimin per te gjitha deget e sigurimit te detyrueshem. Ata kane te drejte te paguajne kontribute deri ne nivelin maksimal, per perfitime deri ne nivelin maksimal.

Mbulim vullnetar te periudhave te kaluara kane te drejte te bejne personat e interesuar te cilet paguajne kontribute vullnetare per periudhat e kaluara dhe jo per vitin korent. Kontributi qe do te paguhet, do te jete ne masen e kontributit minimal ne kohen e pageses se tyre. Perfitimet ne kete fushe jane vetem per pension pleqerie, invaliditeti dhe familjar.

Sigurim vullnetar kane te drejte te bejne personat e interesuar te cilet nuk jane ekonomikisht aktive dhe sigurohen per vitin korent. Ata kane te drejte te paguajne kontribute deri ne nivelin maksimal, per te perfituar deri ne nivelin maksimal te pensionit te pleqerise, invaliditetit dhe atij familjar.

Sigurim per nje shume me te madhe te ardhurash, kane te drejte te bejne te vetepunesuarit, te punesuarit dhe punedhenesit private, duke paguar kontribute deri ne nivelin maksimal, per te perfituar deri ne nivelin maksimal te pensionit te pleqerise, invaliditetit dhe atij familjar.

6 per qind Ulje te shumes se kontributeve te sigurimeve shoqerore perfiton nje individ ne rast se parapaguan nje periudhe 1-vjecare. Nderkohe qe ulje aplikohet edhe nese paguan 6 apo dhe 3 muaj.

3140 Leke Ne muaj paguan nje person per te bere sigurimin vullnetar. Ky lloj sigurimi i jep mundesine atij qe te plotesoje vitet e munguara te punes ne menyre qe te perfitoje pension.

35 Vite pune i nevojiten nje personi per te perfituar pension, qofte ky pleqerie apo edhe i reduktuar. Ne rast se nuk plotesohet ky kriter, atehere aplikuesi rrezikon marrjen e ketij perfitimi.