Përfaqësuesja e volejbollit i fillon me fitore eliminatoret

Kombëtarja shqiptare e volejbollit për meshkuj e ka nisur në mënyrën më të mirë rrugën e saj për në botërorin që do të zhvillohet në vitin 2010 në Itali. Në ndeshjen e parë eleminatore djemtë e drejtuar nga Ylli Tomorri arritën të fitonin 3-0 në transfertë me përfaqësuesen e Azerbaixhanit.

Shqipëria është shfaqur mjaft superiore që në fillimin e takimit. Në setin e parë përfaqësuesja janë e volejbollit arriti të fitojë 25-17. Në të dytin fitoi 25-13. Seti i tretë ka qenë edhe më i forti, pasi kuqezinjtë fituan 33-31, duke e shtyrë disa herë këtë set.

Ndeshjen e dytë Shqipëria do ta zhvillojë sot në orën 16:00 me përfaqësuesen e Malit të Zi. Më poshtë do të paraqesim listën e përfaqësueses tonë me të cilën u përball me Azerbaixhanin, bashkë me kalendarin e grupit ku bën pjesë Shqipëria.

Lista e kombëtares

1. Elton Tukseferi
2. Gjergj Bardhi
3. Klodian Kasa
4. Jonel Lenja
5. Adriatik Kajtazi
6. Gazmend Husaj
7. Altin Gorenxa
8. Emiliano Ndoni
9. Genti Lundra
10. Edmond Moku
11. Fabian Mëhilli
12. Klerdi Prifti

Trajnerë: Ylli Tomori, Ilia Koja

Zona europiane, grupi D

Dita e parë (9 janar)
Moldavi - Mali i Zi 0-3
Azerbajxhan - Shqipëri 0-3

Dita e dytë (10 janar)
Shqipëri - Mali i Zi 16.00
Moldavi - Azerbajxhan 18.30

Dita e tretë (11 janar)
Shqipëri - Moldavi 16.00
Mali i Zi - Azerbajxhan 18.30