Përfundon me barazim gara në Kukës, Berishës nuk i mbetet asnjë copë blu në hartë

Ka përfunduar numërimi i votave edhe në KZAZ-në e fundit në Kukës, që i përket qytetit verilindor.

Ashtu siç pritej, koalicioni i majtë ka marrë dy deputetë, kurse koalicioni i djathtë ka marrë po ashtu dy deputetë.

Në kampin e majtë një mandat shkon për PS-në, një tjetër për LSI-në.

Në këtë mënyrë, harta elektorale e Shqipërisë nuk ka asnjë qark me ngjyrë blu.

E majta ka fituar në 10 qarqe, ndërsa ka barazuar në dy qarqe, në Dibër dhe në Kukës.

Mazhoranca në pushtet ka humbur kështu edhe bastionin e fundit të saj dhe tanimë nuk numëron asnjë vend ku nuk ka njohur disfatë./ep