Pergjimet, deshton komisioni hetimor i ngritur ne Kuvend

Deshton komisioni per pergjimet e telefonise. Zyrtarisht, ketij komisioni i ka kaluar cdolloj afati dhe nuk behet fjale per nje raport perfundimtar mbi punen disamujore. Anetaret e komisionit, qe drejtohet nga Jak Ndokaj, nuk kane mundur te zbardhin asgje nese ka pasur pergjime te bisedave telefonike te deputeteve dhe pse kishin disa muaj kohe per t'u marre me hetimin e kerkuar ne Kuvend. Sipas anetareve, ekspertet e komisionit nuk kane pasur mundesi te shumta hetimi, per shkak te mungeses se vendit te punes dhe kohes. Per te fundit here, anetaret e komisionit do te kerkojne ne seancen e sotme shtyrjen e afatit te punes, per te pasur me shume kohe ne dispozicion per te mbyllur hetimin e dale me nje raport perfundimtar. Ne mbledhjet e fundit te ketij komisioni eshte dale ne perfundimin se deputeteve te Kuvendit u jane pergjuar telefonat celulare, por indirekt. Burime brenda komisionit kane pohuar se nga kontrolli e informacionet e rezervuara te marra nga institucionet perkatese, rezulton se disa deputeteve u jane pergjuar bisedat telefonike nga Sherbimi Informativ Shteteror (SHISH), por kjo jo sepse jane pergjuar ata personalisht, por personat me te cilet kane zhvilluar biseden. Nuk behet fjale per emra konkrete, pasi materialet e hetimit, jane vleresuar si shume konfidenciale. Vazhdimisht anetaret jane ankuar per mungese informacioni nga institucionet perkatese, qe cungohen te japin te dhena. Situate qe sipas tyre, kercenon perfundimin e punes hetimore. Zeri i tyre per te fundit here do te ngrihet sot, me shpresen e nje shtyrje te afatit te punes dhe per nje muaj, per te dale me nje raport perfundimtar.