Perleshje ne fshat, turmat sulmojne policine

Banoret e fshatit Xare te Sarandes sulmojne me gure policet e komisariatit, pas nje plagosjeje te ndodhur ne zone. Tentativa per te perfunduar hetimet rreth incidentit ka shkaktuar nje tjeter ngjarje te pakendshme dy dite me pare, kur turma, ne krye te te cileve akuzohet se ndodhej kryeplaku i fshatit, ka goditur me sende te forta grupin e uniformave blu. Incidenti mesohet se ka ndodhur oret e vona te se enjtes, ndersa agjentet e Komisariatit Sarande mesuan se ne spital kishte perfunduar nje person i plagosur ne gjendje te rende. Dje eshte bere edhe denoncimi i kryeplakut te fshatit Xare, Petrit Doda dhe disa banoreve te tjere te dyshuar per krimin.
Grupi i gatshem i policise ka shkuar ne fshatin Xare per te sqaruar rrethanat e krimit dhe shoqeruar te dyshuarit, por jane hasur me bllokimin e rruges kryesore. Per te mos shkaktuar incidente, policia nuk ka vepruar. Banoret kane qelluar me gure ne drejtim te forcave te rendit, duke demtuar automjetin dhe detyruar efektivet te terhiqeshin. Paraditen e se enjtes kishte nisur nje grindje ne fshat mes disa banoreve. Tefik Qorraj, 65 vjec, mesohet se eshte zene per motive te dobeta me 42-vjecarin Florian Doda. Pasi kane pare babane e rrahur, dy djemte e familjes Qorraj kane nderhyre per te rrahur agresorin, duke i shkaktuar Dodes demtime te lehta. Ngjarja ka degraduar me tej ne sherr mes shume personash, mes te cileve edhe kryeplaku i fshatit Xare, Petrit Doda. Banoret jane hedhur ne proteste, kur policia kerkoi te shoqeronte kryeplakun pas ngjarjes. Sulmi eshte regjistruar rreth ores 18:00, ndersa automjetit i jane thyer xhamat me gure. Ne keto rrethana, hetimet i kane kaluar prokurorise se Sarandes per veprat penale te plagosjes se rende me dashje, plagosjes se lehte ne bashkepunim, kundershtimit te punonjesve te rendit, e goditjes per shkak te detyres.
O.Hila