Permbytet Devolli, evakuohen 20 familje

Fatos Salliu
ELBASAN - Lumi Devoll rrezikon jeten e 20 familjeve ne fshatin Rrenas ,te komunes Grekan, ne Elbasan, ndaj autoritetet vendosen dje evakuimin e tyre. Prurjet e shumta te lumit kane gerryer rreth 20 hektare toke bujqesore dhe tashme u jane afruar shtepive te banimit. Ne emergjence jane sidomos 9 familje, 3 prej te cilave tashme kane braktisur shtepite dhe jane sistemuar te te afermit e tyre. Gjate gjithe nates se kaluar, familjet e lagjes "Shelgu" ne kete fshat kane qendruar jashte, pasi ujerat e lumit u jane afruar te pragu i shtepise. Ne vendngjarje kane shkuar specialiste te shtabit te emergjences ne prefekture. Gjendja eshte perkeqesuar ne mesnate, kohe kur ujerat e lumit kane gerryer me shpejtesi siperfaqe te medha toke dhe u jane afruar shtepive te banimit. Shtabi i emergjencave ka evakuuar familjet, duke i sistemuar ata te te afermit e tyre.
Gjate gjithe nates, banoret e lagjes "Shelg" dhe perfaqesues te instancave shteterore kane qendruar zgjuar per te monitoruar nga afer situaten. Vec shtepive te banimit, uji rrezikon edhe stacionin e pompave, qe furnizon me uje te gjithe zonen e Dumrese. Banoret dhe pushteti lokal kerkojne nderhyrjen e shtetit per te shpetuar tokat bujqesore, shtepite e banimit dhe te mbjellat. Pushteti vendor ka kerkuar nderhyrje emergjente per te devijuar lumin. Sipas tyre eshte teper e domosdoshme qe ne anen tjeter te lumit te kryhet nje carje, e cila do te devijoje rrjedhen e tij dhe ne kete menyre do te shpetoje tokat bujqesore dhe shtepite nga permbytja. Relacioni i eshte derguar pushtetit vendor ne Elbasan dhe qeverise ne Tirane. Aktualisht, pritet nderhyrja e instancave shteterore per te rivendosur kontrollin e rrjedhes se ujit ne kete vend. Por, ne lagjen "Shelg" eshte nderprere furnizimi me energji dhe uje te pijshem dhe banoret e evakuuar te te afermit e tyre jane ne pritje te ndihmave nga shteti.
"Nuk e perballojme dot demin"
Agim Tabaku eshte nje nga kryefamiljaret e demtuar. Ai tregon se gjate nates se kaluar e gjithe familja e tij ka qendruar zgjuar. "Ne nuk kemi vene sy ne gjume. Uji na eshte afruar te pragu i shtepise dhe kishim frike se do te permbyteshim nga casti ne cast". Agimi tregon se bashke me tre femijet u larguan nga shtepia dhe u vendosen te te afermit. "Ketu nuk mund te qendrohet me, pasi jeta ishte e pasigurt. Lumi gerreu me shpejtesi token bujqesore dhe tani shtepia ndodhet vetem pak metra larg lumit", thote Agimi, duke paralajmeruar: "Shembja e saj eshte ceshtje kohe, ndaj morem c'te mundnim dhe i kemi derguar te te afermit". Agimi apelon per ndihme nga shteti, "pasi vete nuk mund te perballojme kete dem dhe humbje". Sakaq, banori eshte i vetedijshem per kushtet financiare te pushtetit vendor: "Ne jemi te pafuqishem qe te ndalim dhe te devijojme lumin. Ndaj i lutemi shtetit te na degjoje, pasi jemi te varfer. Po humbem shtepite, ne jemi te vdekur", perfundon Agimi, duke theksuar: "Nuk eshte faji yne qe ndodhi kjo fatkeqesi natyrore".
Edhe Agron Tabaku e ka kaluar naten jashte. "Ne jemi 6 veta ne familje. Gjate gjithe nates qe kaloi qendruam zgjuar, pasi kishim frike se permbyteshim nga lumi", tregon Agroni, duke shtuar se, "vec nesh, jane demtuar edhe 20 familje te fshatit". Banori sqaron se lumi ka gerryer dhjetera hektare toke. "Askush nuk e beson se ne pak dite Devolli ka derguar ne det kaq shume toke bujqesore. Ne nuk kemi me toke dhe nuk mund te ushqejme me femijet tane. Ndaj kerkojme mbeshtetje dhe ndihme nga shteti", apelon Agroni.
Shtepia e Jace Tabakut, te moshuarit 86-vjecar, e ndan nje pellembe nga Devolli. "U bera kaq dhe asnjehere nuk mbaj mend qe Devolli te na bente kaq keq. Lumi na ka ardhur te shtepia dhe ne nuk dime se ku te shkojme", flet i trishtuar plaku, duke shtuar: "Jemi sistemuar te kusherinjte tane, por ata kane femije dhe halle per vete. Kemi shume frike pasi uji mund te na mbyse femije e katandi. Ndaj ne ka shtet, te vere doren ne zemer". F.Salliu
"Morem masa aq sa mundeshim"
Kryeplaku i fshatit, Mehdi Madhi, shprehet se pushteti vendor mori te gjitha masat per te ndihmuar familjet dhe per te lajmeruar instancat perkatese. "Ne kemi qendruar zgjuar deri ne oren 4 te mengjesit. Uji ka gerryer mbi 20 hektare toke bujqesore dhe tani kercenon jeten e tre familjeve", tregon Madhi. Ai shton se naten e kaluar evakuuam familjet dhe i derguam ne fshat te te afermit e tyre. "Ne kerkojme qe shteti te kryeje nje nderhyrje emergjente, duke derguar ekskavatore ne anen tjeter te lumit, te cilet duhet te cajne nje kanal per te devijuar sa te mundin Devollin. Kjo eshte kerkese imediate, ndryshe fshati nuk ka shpetim", paralajmeron Madhi, duke folur me tej dhe per plan me afatgjate: "Me tej, nevojiten fonde per te ndertuar prita dhe argjinatura mbrojtese. Nderhyrja ne kete vend eshte e domosdoshme, pasi me tej ndodhen dy stacione pompash, te cilat furnizojne me uje te gjithe Dumrene. Nese demtohen pompat, atehere rreth 40 mije banore do te mbeten pa uje te pijshem".
E zhytur ne etje dhe terr
Lagjja "Shelg" ne fshatin Rrenas, te komunes Grekan, ka mbetur pa uje dhe pa drita. Por mbi te gjitha kjo lagje rrezikon te perfundoje ne det, si pasoje e gerryerjeve te lumit. Ne fshatin Rrenas banojne 700 banore te sistemuar ne 120 familje, ndersa ne lagjen "Shelg" banojne 400 fryme te sistemuar ne 70 familje. Banoret kane kthyer syte nga shteti si e vetmja shprese per shpetim. Burime nga shtabi i emergjencave ne prefekture bene te ditur se ne kete pjese jane kryer nje sere investimesh per te mbrojtur banoret nga gerryerja e lumit. Keshtu pergjate ketij fshati jane ndertuar prita dhe argjinatura mbrojtese ne vlere 140 milione leke. Gjate vitit te kaluar u ndertuan prita me vlere 6 milione leke dhe per vitin 2008 jane planifikuar investime te reja.