Sekuestrohet "Bancar", riatdhesim ekuipazhit
Anija me flamur te Bolivise "Bancar", e cila eshte bllokuar ne portin e Vlores, rreth 10 dite me pare, do te sekuestrohet zyrtarisht gjate dites se sotme dhe do te transportohet per ne portin e Raguzes, ne Karaburun. Kapitaneria e portit te Vlores ka zhvilluar nje takim dje me prokurorine dhe nje tjeter takimin me perfaqesues te ambasades egjiptiane, per te vendosur rreth fatit te anijes, qe prej ditesh qendron ne rade, dhe 10 anetareve te ekuipazhit, te cilet kane shtetesi egjiptiane. Kapiteni i portit te Vlores, Anastas Goga, ka konfirmuar se po organizohet nje plan levizjeje si per anijen ashtu edhe per anetaret e ekuipazhit, te cilet do te dergohen ne Egjipt. Edhe pse kapiteni i anijes eshte pjese e hetimit te prokurorise, pas denoncimit te kryer nga administratori i firmes, se ciles iu tregtua ilegalisht hekuri, Goga tha se ai do te trajtohet si anetaret e tjere te ekuipazhit. Anija "Bancar" ishte drejtuar per ne Tanzani dhe dyshohet se ka bere ndryshim destinacioni te pamotivuar, duke tregtuar ilegalisht hekur ne portin e Vlores. O. Hila