Përmbytjet, Berisha: Dëmet mbi 500 mln lekë

Kreu i qeverisë Sali Berisha deklaron se do dëmshpërblehen familjet e përmbytura në Shkodër. Në mbledhjen e qeverisë Berisha tha se janë bërë llogaritjet e dëmeve nga vendorët. "Ne do dëmshpërblejmë çdo familje. Përllogaritjet e dëmeve janë bërë dhe do nisë dëmshpërblimi një më një", pohoi Berisha. Duke u shprehur ne gjuhen e shifrave, Berisha tha se do te jepen 512 milionë lekë dëmshperblim për orenditë dhe 20 milionë në Bujqësi.

Kryeministri ka kërkuar që të rikonstruktohen argjinaturat. Ai theksoi se veç përmbytjeve ka pasur shkarje toke në shumë zona të vendit.
Për dëmshpërblimin e familjeve, Berisha tha se veç qeverisë do kontribuojë edhe KESH.