Përmirësohet situata në akset kryesore rrugore
Në Rrethin e Kukësit, hapja e aksit rrugor Kukës – Qafë Shllak, ku po punojnë 3 fadroma dhe një borëpastruese, është drejt përfundimit dhe ka arritur deri në fshatin Vrish. Aksi rrugor Kukës – Shishtavec është i kalueshëm deri në Shtreze, ndërsa po punohet për rihapjen e plotë të segmentit rrugor të mbetur nga fshati Shtreze deri në Shishtavec.
Drejtori i ndërmarrjes së mirëmbajtjes së rrugëve, Arben Basha, tha se “situata është drejt përmirësimit, ndërsa në segmentin e autostradës Morin – Kukës – tunel, edhe pse trashësia e dëborës në hyrje të tunelit arrin në 0,7 metra, lëvizja e mjeteve në të katër korsitë kryhet pa zinxhirë”.
Ndërsa në rrethin e Hasit janë bërë të kalueshme të gjitha akset nacionale rrugore. Kështu, është normalizuar lëvizja e mjeteve në aksin rrugor Krumë – Kukës dhe Krumë – Qafë Prush. Po ashtu, tashmë është i hapur edhe aksi rrugor Krumë - Kam Tropojë.
Pavarësisht përmirësimit të situatës, në qarkun e Kukësit janë ende të izoluara komunat Shishtavec, Kalis, Arrën, Grykë Cajë, Bushtricë dhe Surroj në rrethin e Kukësit dhe Lekbibaj, Llugaj dhe Bytyc të rrethit të Tropojës.
Në rrethin e Korçës raportohet se janë të kalueshme të gjitha akset nacionale porse mbeten të bllokuar 7 fshatra në komunën Lekas, 7 fshatra në Komunën Çlirim, 4 fshatra në Komunën Novoselë, 2 fshatra në Komunën Miras dhe 5 fshatra në Komunën Dardhas./Start/
2012-02-18 10:28
Drejtori i ndërmarrjes së mirëmbajtjes së rrugëve, Arben Basha, tha se “situata është drejt përmirësimit, ndërsa në segmentin e autostradës Morin – Kukës – tunel, edhe pse trashësia e dëborës në hyrje të tunelit arrin në 0,7 metra, lëvizja e mjeteve në të katër korsitë kryhet pa zinxhirë”.
Ndërsa në rrethin e Hasit janë bërë të kalueshme të gjitha akset nacionale rrugore. Kështu, është normalizuar lëvizja e mjeteve në aksin rrugor Krumë – Kukës dhe Krumë – Qafë Prush. Po ashtu, tashmë është i hapur edhe aksi rrugor Krumë - Kam Tropojë.
Pavarësisht përmirësimit të situatës, në qarkun e Kukësit janë ende të izoluara komunat Shishtavec, Kalis, Arrën, Grykë Cajë, Bushtricë dhe Surroj në rrethin e Kukësit dhe Lekbibaj, Llugaj dhe Bytyc të rrethit të Tropojës.
Në rrethin e Korçës raportohet se janë të kalueshme të gjitha akset nacionale porse mbeten të bllokuar 7 fshatra në komunën Lekas, 7 fshatra në Komunën Çlirim, 4 fshatra në Komunën Novoselë, 2 fshatra në Komunën Miras dhe 5 fshatra në Komunën Dardhas./Start/
2012-02-18 10:28