Përplasen makinat, 1 i vdekur, 3 të plagosur

DURRËS- Një person ka humbur jetën dhe tre të tjerë kanë mbetur të plagosur pas një aksidenti gjatë mbrëmjes në zonën e ish-Kënetës, në Durrës. Sipas të dhënave paraprake dy automjete janë përplasur me njëra tjetrën. Policia nuk ka bërë ende me dije identitetin e viktimës dhe as të personave që mbetën të lënduar. Këta të fundit janë dërguar me urgjencë në spital, ndërkohë që një grup ekspertësh po hetojnë për të zbardhur shkaqet e aksidentit.