Perplasen makinat plagosen ne aksident prinderit e humoristit
BURREL - Dy aksidente rrugore jane regjistruar dje ne rrethin e Matit por fatmiresisht pa viktima. Mesohet se ne oret e para te mengjesit jane perplasur ne vendin e quajtur Ura e fshatit Klos dy mjete motorike. Furgoni me targa MT 1822 A i drejtuar nga shtetasi H. Klosi dhe Golfi me targa TR 3746 H i drejtuar nga Muharrem Mera jane perfshire ne aksident. Kjo perplasje ka shkaktuar plagosjen e kater personave dy prej te cileve ne gjendje te rende. Policia lokale sqaroi se drejtuesi i mjetit Muharrem Mera dhe bashkeshortja Jeta Mera kane pesuar demtime serioze per shkak te perplasjes se forte. Dy prinderit e humoristit te njohur Behar Mera jane transportuar me shpejtesi drejt spitalit Xhavit Mara te Burrelit. Mjeket kane konstatuar se 70-vjecari ka mberritur ne gjendje kritike per jeten nderkohe qe bashkeshortja kishte pesuar fraktura sidomos ne gjymtyret e siperme. Per shkak te hemorragjise se brendshme Muharrem Mera i eshte nenshtruar nje nderhyrjeje te veshtire kirurgjikale. Kirurgu Hasan Ceni tha se ai eshte jashte rrezikut per jeten por duhet mbajtur nen terapi intensive per te shmangur komplikacionet e metejshme. Po ashtu dje paradite ne vendin e quajtur Ura e Karices komuna Baz eshte regjistruar nje tjeter aksident. Furgoni me targa TR 079 A dhe Benz-i me targa LA 0668 A jane perplasur fort duke shkaktuar demtime te medha te mjetit te dyte por fatmiresisht pa viktima. Policia nuk ka arritur te zbardhe ende shkaqet e dy aksidenteve por mesohet se dje ne mengjes rruget kane pasur lageshtire. h.p