Përse nuk duhen penalizuar diplomatët që bëjnë aksidente?

Duke komentuar aksidentin e një punonjësi të ambasadës koreano-jugore në Berlin, janë ngritur pikëpyetjet se përse imuniteti diplomatik duhet ti mbrojë ata nga gjobat dhe penalizimet e mëtejshme. Aksidenti nuk ka shkaktuar viktima, për shkak se ka qenë vonë, por mund të ishte fatal. Punonjësi i ambasadës kishte pirë, por nuk mund të merreshin masa ndaj tij. Për më tepër, edhe më përpara ai kishte tejkaluar disa herë shpejtësinë, por nuk ishte gjobitur. Policia thotë se janë rreth 157 mijë euro gjoba në një vit në Berlin, që janë shmangur për shkak se shkeljet janë bërë nga diplomatët.