Pesë të vrarë nga dhuna në Pakistan

Një bombë ka shpërthyer pranë një zyre qeveritare në qytetin pakistanez, Hangu, duke vrarë të paktën pesë njerëz.

Shpërthimi vjen në valën e sulmeve të njëpasnjëshme në Pakistan, që nga vrasja e Osama bin Ladenit nga komandot e Shteteve të Bashkuara.

Askush nuk e ka marrë përgjegjësinë për sulmin e sotëm, ndonëse talibanët kanë kryer disa të tilla, në "shenjë hakmarrjeje" për vrasjen e kreut të Al Kaidës.