Peshkopi, policia cliron rruget nga tregtaret

Policia bashkiake ne Peshkopi ka ndermarre sot nje aksion per lirimin e trotuareve nga tregtaret e fruta-perimeve ne lagjen e Re. Shkak per kete aksion jane bere ankesat e banoreve te kesaj lagjeje.

Sipas policise bashkiake, keta tregtare bllokojne trotuaret, duke u bere pengese per banoret si dhe burim aksidenti ne kete lagje, pasi eshte rruge ku kalojne automjete te shumta te tonazheve te ndryshme.

Shkak tjeter jane dhe mbeturinat qe tregtaret ne fund te dites i hedhin ku te mundin duke krijuar stogje mbeturinash. Shume prane ketij minitregu, te krijuar nga vete keta tregtare, po kryejne punimet disa firma per te perfunduar objektin e pallatit te sportit.

Sipas shefit te policise bashkiake Emin Gjurra, bashkia ka marre masa qe keta tregtare te tregtojne ne vende te caktuara nga bashkia.

I menjehershem ka qene reagimi i tregtareve, qe jane dhe banore te kesaj lagjeje, te cilet shprehen se kane kursyer te holla dhe kane blere ose i kane me qera objektet e kateve te para, si dhe mallin per te siguruar jetesen.