Petersen: Eulex, një hap më afër BE-së për Kosovën

Prishtinë - Misioni i EULEX-it e afron Kosovën me Bashkimin Evropian. Kështu ka deklaruar për Zërin e Amerikës ish-shefi i UNMIK-ut Soren Jessen-Petersen. Sipas tij, prania e EULEX-it edhe në veri të vendit, do t’i ndihmojë zyrtarët e BE-së të vëzhgojnë sjelljen e Serbisë në përshtatje me marrëveshjen.

Duke iu referuar marrëveshjes 6-pikëshe mes OKB-së dhe Beogradit, ku përfshihet neutraliteti i këtij misioni Petersen tha se është e qartë se BE nuk mund të jetë neutrale, duke pasur parasysh faktin që 22 nga 27 vendet evropiane e kanë njohur pavarësinë e Kosovës.VOA