Pianisti i famshem shqiptar Rudi Lengo
Vera e nxehte për pianistin shqiptar që ndihet pak në vendin e tij Rudi Lengo, por qe në botë emri i tij lakohet si pianisti më i mirë ka qenë e ngjeshur me aktivitete të shumta. Vjen nga festivali i Ohrit plot mbresa… dhe me tre çmime nga Holanda
Për ne luan pjese të Shopenit dhe Listit që i ka fort për zemër. Gjithçka e luan pa partiturë dhe me nje shkathtësi rreshket duart mbi tastier… ku lëshon tinguj mahnitës…
Është larguar nga Shqipëria në moshën 12 vjeçare, heshtjen e theu vjet me një koncert ku shpalosi gjenialitetin e tij … me një repertor te pasur.
Shijet muzikore variojne nga baroke deri te modernet , por krahas Listit, Shopenit dhe Rahmaninov preferon edhe kompozitoret shqiptar , për te cilët thotë se edhe pse nuk i njeh mire tingujt e tyre i vijne natyrshëm…
Jeta e një pianisti me famë botërore nuk është e lehtë , pasi më së shumti është në udhëtim , por partneren e ka zgjedhur nga kjo fushë, çka merr mirëkuptim dhe tolerance.
Ekspertë dhe të kritikë të muzikës klasike, në botë Rudin Lengon e vlerësojnë për vetitë e thellësisë imagjinative dhe komunikative që vendos raport shumë të përafërt ndërmjet veprave që luan dhe publikut.
Rrugëtimi i radhës është Polonia për pianistin e famshëm i cili jeton prej vitesh në Kanada , por ka një projekt dhe për Shqipërinë.