Pirateria 50 ndeshkime kablloreve

Keshilli Kombetar i Radios dhe Televizionit eshte vene ne levizje pas denoncimeve te detajuara qe platforma DigitAlb ka depozituar prane ketij institucioni ne lidhje me piratimin e vazhdueshem te programeve televizive nga televizionet kabllore ne disa rrethe te vendit.

Kompania DigitAlb ka kryer gjate gjithe vitit monitorime te pavarura nga te cilat ka siguruar prova per nje numer te madh operatoresh televizive kabllore qe transmetojne ne menyre ilegale sinjalin e kanaleve te platformes DigitAlb si dhe evenimente te rendesishme sportive per te cilat paketa SuperSport ka te drejtat e transmetimit.

Nje raport i hollesishem per te gjitha rastet e miratimit shoqeruar me regjistrimet perkatese iu dorezua Keshillit Kombetar te Radios dhe Televizionit me 10 tetor 2010 dhe me 25 tetor kryetarja e ketij keshilli Endira Bushati u pergjigj me nje shkrese zyrtare me ane te se ciles njofton masat e marra gjate vitit 2010 ndaj operatoreve televizive kabllore te denoncuar per vjedhje te programeve.

KKRT-ja njofton se qe nga janari 2010 jane marre 25 masa ndeshkimi me gjobe dhe 25 paralajmerime per operatoret kabllore te cilet kane shkelur te drejtat e transmetimit.

Gjithashtu KKRT-ja ka urdheruar bllokimin e dy operatoreve perkatesisht TV kabllor Lapardhaja dhe TV dixhital Saranda si dhe ka filluar procedurat e inspektimit dhe te hetimit administrativ per operatoret kabllore TV Lezha dhe TV Silvi.

Ne pergjigjen per DigitAlb KKRT-ja angazhohet se do te ushtroje kontrolle te vazhdueshme per te siguruar respektimin e te drejtave te transmetimit.