Pirlo: Do të jem tifoz me Barçën

Andrea Pirlo flet rrallë, por kur shfaqet përpara mediave ai arrin të shprehet qartë. Si milanist i vërtetë, mesfushori nuk ngurroi të “shigjetojë” Interin në intervistën për “Gazzetta dello Sport”. “Deri më tani, në Champions isha tifoz me Interin, për hir të renditjes së kampionatit tonë në klasifikimin e UEFA-s. Tashmë zikaltrit i kanë fituar disa pikë. Pas shumë vitesh u kualifikuan në gjysmëfinale, duhet të kënaqen me kaq, hapat hidhen një nga një”, deklaroi Pirlo.