Plackiste mallin e rivaleve, e shiste ne dyqanin e tij

Tepelene- Plackiste dyqanet e kundershtareve dhe i shiste sendet e vjedhura ne lokalin e tij, arrestohet pas nje viti kerkimesh i denuari me 8 muaj burg. Luan Caca, 39 vjec, banues ne Tepelene, akuzohet gjithashtu edhe per mbajtje te lendeve plasese, dinamit dhe krimet i ka kryer ne bashkepunim me tre persona te tjere, aktualisht te ndaluar. Burime zyrtare konfirmuan se kapja e Caces u be rreth ores 18:00 te se premtes, pak dite pasi ishte kthyer nga Greqia nepermjet maleve, pasi ishte i shpallur ne kerkim. Sipas zedhenesit te Policise Fjirokaster, Gentjan Mullai, Gjykata e Apelit Gjirokaster e ka denuar me 4 nentor 2009 Cacen me 8 muaj burg per "vjedhje" dhe "Mbajtje te lendeve plasese dhe luftarake". Sipas dosjes hetimore, ne bashkepunim edhe me tre te ndaluarit e tjere, 39 vjecari akuzohet per 7 vjedhje te kryera ne zonen e Tepelenes. Materialet e vjedhura i fuste ne dyqanin e tij dhe me pas i shiste. Kurse gjate kontrollit te bere ne ambientet qe kishte ne pronesi, Caces iu gjeten nje sasi dinamiti, kapsollash dhe fitil ndezes. Grupi hetimor investigoi gjate vitit 2009 per ndonje aktivitet kriminal me hedhje ne ere duke perdorur dinamitin per shkaterrimin e bizneseve te rivaleve nga i denuari, por nuk u ngrit akuze tjeter per mungese provash. Policia vendore e konsideroi si banden me te madhe qe ka vepruar vitet e fundit ne zonen e Tepelenes.

Per t'u kthyer ne shtepi nga Greqia kishte perdorur disa shtigje ne zonen malore ne afersi te Kakavijes ne daten 25 shkurt te ketij viti. Kapja u be pas informacioneve te marra ne rruge operative, se i denuari fshihej ne shtepine e te afermit te tij ne fshatin Xhafaj te komunes Buz. Po dje eshte kapur edhe nje tjeter person i dyshuar per vjedhje, pas denoncimit te pronarit te nje banese. I ndaluari eshte Mitat Kamberi, 25 vjec, banues ne Elbasan, i cili ka mundur te marre elektro-shtepiake dhe televizore nga banesa e te demtuarit.