Plackiten cirku italian dhe hekurudha, kapen 3 te mitur
Plackiten cirku italian "Embell-Riva" ne Durres, hekurudha dhe "Albtelecom"-i ne Fushe-Kruje. Ngjarjet jane konstatuar gjate 24 oreve te fundit, kurse uniformat blu te drejtorise se policise Durres vune ne pranga tre te dyshuar te mitur. Burime zyrtare thane se F. S., 15 vjec dhe R. B., 17-vjec, banues ne qytetin bregdetar, akuzohen se jane kapur ne flagrance nga sherbimet pasi kishin vjedhur nje sasi kabulli 3-fazor me gjatesi 35 metra, me vlere 30 mije leke si dhe nje prozhektor me vlere 700 euro ne ambientet e cirkut Italian qe ishte vendosur ne aneksin e stadiumit "Niko Dovana". Kurse agjentet e komisariatit Fushe-Kruje arrestuan 15-vjecarin me inicialet N. K., pasi dy dite me pare, ne vendin e quajtur "Rruga e Taleve" ka vjedhur disa metra kabull te linjes telefonike te "Albtelekomit" dhe disa fibra optike te vendosura brenda dy pusetave metalike me nje vlere demi prej 200 mije lekesh. Po keshtu i mituri dyshohet se ka vjedhur me thyerje disa pllaka hekuri te shinave te linjes hekurudhore qe u gjeten dhe sekuestruan ne cilesine e proves materiale. Ndaj tre te ndaluarve eshte ngritur akuza e "vjedhjes".