Plagoset me armë 27-vjeçari në Tiranë

Një 27-vjeçar është plagosur me armë zjarri ditën e sotme në zonën e Freskut në Tiranë.

I riu është paraqitur vetë në spital për ndihmë mjekësore.

“Rreth orës 19:10, është vetëparaqitur për ndihmë mjekësore në spital shtetasi J. A., rreth 27 vjeç, i cili dyshohet se është plagosur me armë zjarri në zonën e Freskut”, njoftoi policia.

Aktualisht, 27-vjeçari ndodhet nën kujdesin e mjekëve.

Grupi hetimor po punon për sqarimin e rrethanave si dhe për dokumentimin e plotë ligjor të rastit./vizionplus.tv