Pogradec, abuzime me pensionet e minatoreve

Mesohet se per te perfituar pensione me te majme, ata kane paraqitur dokumente te falsifikuara ne dosjet e tyre, por jane zbuluar nga ana e Sektorit te Krimit Ekonomik prane Drejtorise se Policise se Korçes.

Ngjarja ka ndodhur ne qytetin e Pogradecit, ne dosjet e pensioneve te zyres se sigurimeve shoqerore.

Ka qene Krimi Ekonomik qe, ne baze te informacioneve te marra ne rruge operative, ka kryer nje kontroll prane deges se sigurimeve ne qytetin e Pogradecit, ku banojne gjashte pensionistet te cileve u jane gjetur ne dosje dokumente te rreme.

Ndaj gjashte pensionisteve ka nisur procedimi penal ne gjendje te lire. Burimet e policise lokale thone se behet fjale per: Ilia Bllazhda 54 vjeç, Bujar Lipo 56 vjeç, Stavri Mengri dhe Durim Mançellari, perkatesisht 53 dhe 51 vjeç, Bujar Selfollari 52 vjeç dhe 55-vjeçari Riza Bufi.

Ata jane paraqitur me dokumente te falsifikuara si minatore.

Te gjashte pensionistet kane qene punonjes te minieres se hekur-nikelit ne Gur te Kuq, por nga verifikimet e kryera ata kane rezultuar se nuk kane qene minatore te nentokes, siç kane perfituar per disa vite nga pensioni shteteror, por kane punuar mbi toke.