Policia britanike arreston gazetaren Rebekah Brooks

Edhe pse policia britanike nuk dha emër të saktë të të arrestuarës, BBC-ja dhe Al-Xhazira theksojnë se sipas të gjitha gjasave ajo është ish-ndihmësja e manjatit të medieve Murdoch, ish-drejtorja ekzekutive e “News International”, Rebekah Brooks.

Policia theksoi se e 43-vjeçarja u arrestua në një stacion policie në Londër të dielën në kuadër të hetimeve lidhur me përgjimin e telefonave nga ana e tabloidit “News of the World ”.

43-vjeçarja Brooks dha dorëheqjen nga posti si drejtore ekzekutive e “News International” të premten. Gjatë kohës që ndodhen përgjimet e telefonave, ajo ishte kryeredaktore e “News of the World ”.

/Start/F. Prroni/

                                                                                             2011-07-17 14:58