Policia e Korfuzit godet nje rrjet te trafikut te narkotikeve

Policia greke tha se ka goditur nje rrjet te trafikanteve te narkotikeve nga Shqiperia. Sipas policise se Korfuzit rrjeti transportonte permes rrugeve detare sasi hashashi ne drejtim te Greqise. Policia greke tha se ka arrestuar dy prej anetareve te rrjetit dhe ka shpallur ne kerkim disa te tjere. Rastet e transportimit te narkotikeve vazhdojne te shtohen edhe ne Jug te  Shqiperise.

Roja bregdetare greke e Korfuzit ka bllokuar disa dhjetera kilograme bime narkotike  me prejardhje nga Shqiperia dhe ka arritur te arrestoje dy persona qe transportonin lenden narkotike ne thellesi te territorit grek. Sipas Policise se ishullit grek fqinj me Saranden operacioni eshte kryer ne zonen e Ftelese afer brigjeve me Shqiperine. Policia greke kishte kohe qe monitoronte kete zone per shkak te aktivitetit te rritur te trafikanteve te narkotikeve deklaruan burimet zyrtare.

Nje nate me pare policia greke ka arritur te finalizoje operacionin duke angazhuar edhe forca policore nga brezi tokesor.  Dy prej personave u arrestuan ne flagrance ndersa nje person tjeter arriti te  largohej thane burimet zyrtare te policise greke. Pak dite me pare policia shqiptare  e Sarandes kishte bllokuar  mbi 120 kilograme lende narkotike me destinacion Greqine.

Policite e te dy vendeve po shohin me shqetesim se trafikantet synojne te perdorin tani krahas rrugeve tokesore edhe  hapesiren detare  me Korfuzin per te transportuar lende narkotike. Rastet e transportimit te narkotikeve vazhdojne te shtohen ne zonat jugore te Shqiperisde. Keshtu koheve te fundit policia e Gjirokastres ka arritur te bllokoje disa dhjetera kilograme bime narkotike me destinacion jo vetem Greqine por edhe tregun e brendshem te narkotikeve.

Policia e Gjirokastres tha  se ka filluar operacionet edhe per bllokimin e shperndaresve te lendeve narkotike.Sipas policise dy te rinj u arrestuan dje me sasi te vogla hashashi qe shperndanin ne shkollat e mesme ne qytetin e Gjirokastres.