Policia, nën kontroll të gjitha materialet zgjedhore

Policia e shtetit deklaroi se në orën 18.00 të ditës së shtunë ka marrë në mbrojtje qëndrat e votimit deri në momentin e mbylljes së procesit ditën e dielë. Në një komunikatë për shtyp, policia e shtetit ka garantuar për sigurinë e materialeve zgjedhore për mbrëmjen e 8 majit gjatë transportimit të tyre për në KZAZ-të përkatëse.

Policia gjithashtu konfirmoi edhe gatishmërinë e plotë të saj për ecurinë normale të procesit duke shmangur të gjithë incidentet zgjedhore.
 

Ndërkohë që edhe të gjitha qëndrat e numërimit të votave do të vëzhgohen dhe monitorohen nga policia në mënyrë të pandërprerë për të siguruar që gjithcka të përfundojë normalisht dhe zgjedhjet të kryhen me standarte.