"Politika te lere te qete drejtesine" Qamil Xhani

Politizimi i aksidentit te ndodhur ne Himare duke i dhene dhe ngjyrime etnike mund te cenoje vendimin e drejtesise per te arrestuarit e kesaj ngjarje. Per kete qellim Komiteti Shqiptare i Helsinkit ne nje deklarate te bere dje i ka bere apel klases politike ne vecanti per te mos ndikuar dhe mos te beje presion mbi organet e drejtesise. Duke vleresuar punen e institucioneve shteterore, te cilat kane kapur autoret dhe kane nisur procedimin penal, KSHH kerkon qe reagimet ne lidhje ngjarjen te jene me te matura. "Askush nuk ka te drejte te paragjykojne zgjidhjen e ceshtjes. Ne menyre te vecante politika dhe politikanet duhet te lene te qete ne kryerjen e detyrave kushtetuese dhe ligjore, organet e hetimit dhe te gjykimit, si organet e nje pushteti te pavarur te nje shteti sovran", thuhet ne deklaraten e KSHH-se. Duke shprehur ngushellime per familjen e viktimes Aristotel Guma, KSHH dhe kerkon qe autoritetet ta hetojne kete ceshtje me shpejtesi dhe ne menyre objektive. KSHH vlereson dhe punen aktuale qe eshte bere nga Policia dhe Prokuroria. "Organet e Prokurorise, ne zbatim te normave te Kodit te Procedures Penale, e kane filluar procedimin penal per kete ceshtje menjehere pas ngjarjes, ndersa gjykata ka vleresuar masen e sigurimit per personin e akuzuar", thuhet ne deklarate. Por nga ana tjeter KSHH ngreh dhe nje problem qe ka te beje me reagimin ndaj aksidenteve vetem ne rastet kur ato marrin nje ngjyrim te vecante nga faktore te ndryshem politik. KSHH, ne te njejten kohe, i ben thirrje organeve kompetente te drejtesise qe te hetojne ceshtjen me shpejtesi, ne menyre te gjithanshme dhe objektivitet. KSHH deklaron se nuk eshte kunder ngritjes se shqetesimit per humbjen e jetes se shtetasve per arsye kriminale ose aksidentale, por "shqetesime te tilla duhen adresuar njesoj per te gjithe shtetasit pa dallim moshe, gjinie, moshe, kombesie ose arsye te tjera dhe pavaresisht nese ata jetojne ne vendin e tyre ose jashte tij". Duke theksuar dhe nje here rendesine qe kane organet e drejtesise dhe vendimet e tyre, Komiteti Shqiptare i Helsinkit shprehet se per rastin ne fjale nuk ka vend te behen deklarata me elemente politike. "KShH mendon se ne keto kushte, nuk ka vend te behen deklarata me elemente politike, jo vetem sepse ato nxisin urrejtje, por nuk i sherbejne edhe marredhenieve te mira mes dy shteteve tona fqinje", perfundon deklarata e KSHH-se.