Pollo: Zbatim korrekt i "Dosjeve"
Trojka Evropiane, vetem nje dite para hyrjes ne fuqi te ligjit te dosjeve, ka zhvilluar nje takim me numrin dy te qeverise, pikerisht per kete ligj, qe ka qene nder temat kryesore te takimit te zhvilluar mes zv. kryeministrit Pollo dhe Trojkes Evropiane, te perbere nga ambasadorja e Cekise, Marketa Fialkova, e Ngarkuara me Pune e Suedise, Elisabet Stam dhe shefi i delegacionit te Komisionit Evropian, Helmut Lohan. Duke shprehur qendrimin e qeverise, Pollo tha se do te garantohet zbatim korrekt, e i paanshem i ligjit te dosjeve dhe se cdo person i prekur nga zbatimi i ketij ligji, ka mundesine e ankimimit ne te tre shkallet e gjyqesorit dhe vetem pas shprehjes se gjyqesorit, keto vendime marrin forme te prere. "Ankimimi mund te vijoje eventualisht edhe ne Gjykaten Evropiane te te Drejtave te Njeriut ne Strasburg", deklaroi numri dy i qeverise shqiptare, Pollo. Njeheresh ai eshte shprehur se ky ligj, ka nje afat veprimi 5-vjecare dhe pushon se vepruari me 31 dhjetor 2014, duke hedhur ne kete menyre poshte dhe akuzat qe kishin te benin me faktin se, veprimi i ketij ligji nuk kishte limit kohor shtrirjeje. Por ne te njejten kohe, Pollo theksoi se eshte e mirepritur pjesemarrja e perfaqesuesve te opozites, ne autoritetin e kontrollit te figures, perbere nga 5 anetare, nga te cilet opozita percakton 3 te tille. "Kjo perfshirje, qe eshte jo vetem detyre ligjore por dhe pergjegjesi publike, kontribuon ne besueshmerine e procesit", tha zv.kryeministri Pollo gjate takimit te djeshem, me perfaqesuesit e Trojkes Evropiane. Duke perseritur kerkesen e herepashershme te kryeministrit Berisha, ne drejtim te opozites qe te marrin pjese ne kete Komision, pavaresisht se PS nuk i ka votuar "Dosjet" dhe ka deklaruar se do ta ankimoje ligjin ne Kushtetuese. Sipas njoftimit zyrtar te dale nga zyra e zv.kryeministrit, "Pollo e falenderoi Trojken per mirekuptimin e BE mbi nevojen e Shqiperise per t`u ballafaquar me te shkuaren nen nje regjim komuniste, dhe domosdoshmerine per t`u ndare perfundimisht prej tij, bazuar ne normat morale te gjithepranuara. Ai mirepriti gjithashtu monitorimin e zbatimit te ketij ligji nga ana e BE-se".