Polonia në zgjedhje të përgjithshme parlamentare

Nëse ia del mbanë, partia e kryeministrit polak (Platforma Qytetare), Donald Tusk, do të bëhet partia e parë që fiton dy zgjedhje të përgjithshme parlamentare radhazi që prej rënies së komunizmit në vitin 1989.

Tusk udhëhoqi Poloninë drejt rritjes së madhe ekonomike gjatë katër viteve të fundit.

Analistët thonë se pjesëmarrja në votime do të përcaktojë përbërjen e koalicionit qeverisës.

Sondazhet e kryera thonë se Platforma Qytetare e Donald Tusk do të fitojë zgjedhjet që po zhvillohen në Poloni.

Megjithatë, pjesëmarrja e ulët në votime mund të favorizojë si tradicionalisht, rivalin e Tusk-ut, konservatorin Jaroslav Kaczynski, vëllanë e ish-Presidentit të vdekur në aksidentin ajror në Rusi në prill të vitit 2010./Start/F. Prroni/

                                                                                             2011-10-09 10:24