Portet, situate e qete ne sportele
VLORE/ DURRES-Qindra emigrante, te cilet jetojne e punojne ne Itali, kane nisur te kthehen permes portit te Vlores me tragetet e linjes detare me Brindisin. Burime te policise kufitare thane se gjate dites se djeshme, me tre tragetet e linjes, mberriten ne port rreth 400 emigrante, te cilet do te kalojne festen e Pashkeve ne vendlindje, si dhe 140 automjete. Nderkohe, dy dite me pare, ne piken kufitare te portit te Vlores kaluan 300 pasagjere dhe 70 automjete. Per te perballuar fluksin e emigranteve qe pritet te shtohet gjate diteve ne vazhdim, jane marre masat e nevojshme, ku perfshihen, rritja e numrit te sporteleve dhe e personelit perkates. Burime nga Komisariati i Policise se Portit te Durresit bejne te ditur se gjate dy diteve te fundit, permes ketij vendkalimi kufitar, kane mberritur ne Shqiperi rreth nje mije emigrante me tragetet e linjave Bari-Durres dhe Ankona-Durres. "Fluksi me Italine ka qene i madh disa jave me pare, kur u kremtuar Pashket Katolike,-pohuan burimet,-ndersa ne kete periudhe niveli i hyrje-daljeve eshte dicka me shume se normalja". Sipas specialisteve te kufirit, fluksi me Italine perkon me periudhat e pushimeve zyrtare ne kete vend, qe nuk perfshijne Pashket Ortodokse.