Prag epidemie, Pipero: 14 mije vizita ne jave Sonila Isaku
Ne Shqiperi nuk ka ende nje epidemi gripi, megjithese vetem javen e fundit jane shenuar 14 mije raste. Ky numer i madh te prekurish konsiderohet, ne fakt, nga drejtuesit e Ministrise se Shendetesise si prag epidemie. Kjo do te thote se vendi eshte ne prag te epidemise, pasi ajo shenohet kur regjistrohen zyrtarisht mbi 16 mije raste. Sipas Drejtorit te Politikave ne MSH, njekohesisht, edhe mjek infeksionist, Pellumb Pipero, ka sqaruar se aktualisht, rastet me te shumta jane me viroze gripale dhe jo grip, por pervec kesaj, ai ben thirrje qe qytetaret te jene shume me te kujdesshem dhe te konsultohen me mjeket ne kohe, pasi virozat e kesaj stine po shoqerohen edhe me komplikacione te renda. Sipas tij, kujdesi duhet te jete i shtuar dhe cdo person duhet te shkoje menjehere te mjeku, nese ndjen shqetesimet e para. "Numri i rasteve, ashtu si dhe institucioni perkates ka informuar, eshte mbi 14 mije ne jave, qe do te thote se ne kemi hyre ne sezonin e epidemise se gripit, ndaj dhe kujdesi i qytetareve duhet te jete i shtuar", ka pohuar Pipero. Sipas tij, keshillohet qe qytetaret jo vetem te paraqiten te mjeku, por edhe te respektojne rregullat elementare te higjienes personale. Ndersa per rastin e humbjes se jetes se nje vajze 21-vjecare nga Librazhdi, Pipero thote se dyshohet se ajo ka humbur jeten si pasoje meningjitit. Pas verifikimit te karteles se saj mjekesore, mjeket infeksioniste dyshojne se vajza eshte prekur nga bakteri i meningokokut, qe eshte ngjites dhe vdekjeprures. Megjithate, ata hedhin poshte mundesine e perhapjes se ndonje epidemie ne qytet, duke kembengulur se rastet nuk kane ngjashmeri patologjike me njeri-tjetrin. "Kemi nje grup mjekesh specialiste te Institutit te Shendetit Publik, ne te cilet ka dhe mjeke infeksioniste, qe kane qene ne spitalin e Librazhdit dhe sot jane ne vater dhe per shkak te mortit qe kishte rene ne fshat per te analizuar situaten. Te dhenat paraprake te specialisteve dyshojne per nje meningjit. Gjithsesi, presim konkluzionet e specialisteve per te dhene rezultate perfundimtare", nenvizoi Pipero. Sipas tij, moter e vella, Flutura e Fatos Allkaj, kane dale tashme nga spitali. Nje prej tyre kishte bajame te infektuara, ndersa tjetri diarre dhe te vjella, por pa lidhje me shenjat e meningjitit. Pipero ka sqaruar se ne kete zone te vendit nuk ka asnje situate epidemiologjike apo infektive, pasi vdekja e se rese nga Librazhdi eshte nje rast i izoluar. Nje vit me pare, ne Shqiperi ka nisur vaksinimi i te porsalindurve kunder bakterit te meningokokut.