Premtimi i pambajtur i Selanikut/ DW rikthen në vëmendje dështimin e BE ndaj Ballkanit Perëndimor

Ndërprerja e zgjerimit nuk ka qenë asnjëherë kaq e gjatë. Dolce Welle që ka analizuar raportin e BE-së me vendet në pritje të zgjerimit, thotë se  asnjëherë më parë që prej 50 vjetësh, BE nuk e ka shtyrë kaq shumë ndërprerjen e procesit të zgjerimit. Sipas saj, që me anëtarësimin e Irlandës, Danimarkës dhe Britanisë së Madhe më 1973 ritmi i zgjerimit të BE-së ka qenë më pak se dhjetë vjet, kur janë pranuar vende të reja në grup.

Por tani nga premtimi i Selanikut kanë kaluar 20 vjet, edhe që prej anëtarësimit të fundit, Kroacisë, kanë kaluar dhjetë vjet dhe asnjë anëtar i ri nuk pritet në vitet e ardhshme.

Sipas saj, kjo ndërprerje e gjatë nuk është ndonjë gjë e papritur, sepse gjashtë vendet në Ballkanin Perëndimor vazhdojnë të presin ashtu si pret Turqia, Ukraina, Moldavia edhe Gjeorgjia.

Por procesi nuk po avancon.

Eksponenti gjerman i politikës së jashtme Florian Bieber e sheh të domosdoshëm faktin që shtetet duhet të kenë një të ardhme të planifikueshme në BE, pa abuzuar me të drejtën e vetos nga anëtarët e BE-së, si praktikohet nga Bullgaria në rastin e Maqedonisë së Veriut.

Sipas tij, “premtimi i Selanikut, edhe pse i pambajtur nga Be-ja është i rëndësishëm për Ukrainën dhe vendet në ato zona”.

Gazetare: Entela Komnino

/RTSH/