Prenci: Sistemi i karrieres, jo nga influenca e pamoralshme

Tirane- Drejtori i Pergjithshem i Policise se Shtetit, Ahmet Prenci iu ka dhene graden nenkomisar 18 punonjesve te policise, te cilet perfunduan trajnimin e tyre. Ceremonia u zhvillua dje, ne ambientet e Qendres se Formimit Policor, ku moren pjese Ministri i Brendshem, Bujar Nishani, Drejtori i Pergjithshem i Policise se Shtetit, si dhe perfaqesues te misioneve nderkombetare qe asistojne ne Policine e Shtetit. Gjate fjales se tij, Prenci pohoi se "Sot po merr jete perfundimisht sistemi i ri i ecjes ne karriere, jo me mbi baze te perkatesise rastesore, me se shumti, kur cdokush qe hynte ne polici, si punonjes i nivelit zbatues, ishte i destinuar te pensionohej ne kete nivel, apo kur per shkak te trafikut te influencave, apo cdo lloj tjeter influence te pamoralshme, titulloheshin oficere dhe kapercenin deren e pakalueshme per ne nivelin e pare drejtues, individe pa asnje merite individuale." Gjithashtu, ai shtoi se "bashke me kete sistem antivlerash, po percjellim nje here e mire nje mentalitet tejet te vjetruar, nje sistem shkollimi, trajnimi dhe ecje ne karriere, per t'i lene vendin konkurrences se ndershme e te drejte per cdo punonjes policie, meritave e vlerave profesionale, si dhe integritetit personal."