Presidentet-Dukes: Largohu, nese s'zgjidh gje!
Jeton Selimi
Nje rrufe ne qiell te hapur per FSHF-ne! Nje rrufe, qe do te lere shume pasoja, aq shume sa per 5 dite, zyrat e katit te dyte nuk do te rrine nga te rrotullohen. Ka qene nje takim i fshehte, nje takim i organizuar flesh ne "Vila Goldi", strofulli ku shpesh jane thurur makinacionet brenda familjes bardheblu, qe ka vulosur nje faks me 4 kerkesa dhe 6 firmetare. Partizani, Besa, Vllaznia, Tirana, Elbasani dhe Shkumbini i kerkojne zyrtarisht presidentit te Federates Shqiptare te Futbollit, federate ku klubet e lartpermendura jane anetare, qe te jape doreheqjen nese brenda pese diteve (duke filluar qe dje) nuk arrin te gjeje gjuhen e perbashket me MTKRS-ne. Presidentet e klubeve kane nje mburoje te forte: perjashtimi nga kompeticionet evropiane nuk do t'i lejonte ata te merrnin pjese ne Kupat e Evropes, duke minimizuar teresisht te ardhurat e tyre.
Komunikata
"Ne, klubet e futbollit te superliges, jemi mbledhur sot, me daten 17.03.2008, per te paraqitur indinjaten tone te thelle per vendimin qe organizmi me i larte boteror, FIFA, ka marre ne daten 14.03.2008, ku midis te tjerave edhe "heqjen e te drejtes se klubeve shqiptare per t'u perfaqesuar ne kompeticionet evropiane". Fjalia e pare e faksit, qe ka bere dje xhiron e redaksive, flet fare qarte per shqetesimin e skuadrave. Per klubet firmetare, te cilat jane edhe ato qe derdhin me shume para nga xhepat e tyre, perjashtimi do te ishte fatalitet. Por, dy paragrafe me poshte, vjen fraza qe ka mahnitur te gjithe: klubet kane dale fare hapur kunder FSHF-se, duke ia faturuar asaj pergjegjesite. "Mendojme se FSHF duhet te mbaje pergjegjesite kryesore per arritjen deri ne kete pike te marredhenieve me FIFA-n, kjo, sepse, nese do te ishte punuar me seriozitet per te mbrojtur interesat e futbollit shqiptar dhe jo interesat personale, nuk do te gjendeshim perpara nje vendimi te tille".
Kerkesat
Presidentet e klubeve firmetare kane vendosur t'i vene pikat mbi "i", duke mos lene keshtu asnje shteg keqinterpretimi. Kerkesat e tyre jane konkrete dhe synimi i tyre eshte i qarte: doreheqja e presidentit Duka duket se eshte ceshtje ditesh, vetem nese ky i fundit nuk arrin te sheshoje gjithcka ne 96 oret e mbetura nga skadimi i afatit. Ultimatumi i klubeve eshte i perbere nga kater pika, ku spikat afati 5-ditor i caktuar nga skuadrat dhe doreheqja e presidentit Duka, ne rast se do te deshtoje brenda ketij afati kohor. Madje, klubet shkojne edhe me tej, ata kercenojne me bojkotim te kampionatit dhe i luten ministrise se linjes qe te perkrahe investimet e tyre drejt privatizimit perfundimtar. Ne fund, qershiza mbi torte! Gjashte klubet firmetare pranojne se perfaqesojne te gjitha skuadrat e tjera te futbollit shqiptar.
4 kerkesat e klubeve
1) I kerkojme federates shqiptare te futbollit dhe presidentit te saj qe brenda nje afati kohor prej 5 ditesh, deri me daten 21.03.2008, te zgjidhe problemet me MTKRS.
2) Ne rast te moszgjidhjes se ketij konflikti brenda dates 21.03.2008, ne jemi te vendosur te bojkotojme kampionatin.
3) Ne rast te moszgjidhjes se ketij konflikti brenda dates 21.03.2008, ne kerkojme doreheqjen e presidentit te federates.
4) Nepermjet MTKRS, perkrahjen e shtetit per me shume mbeshtetje per futbollin ne Shqiperi per te qene ne nje hap me reformat qe ka ndermarre qeveria ne fushat e tjera te ekonomise, per t'u konkluduar me privatizimin e klubeve.
Skenderbeu e Kastrioti bashkohen me koleget
Dy skuadrat e para te superliges qe kane perkrahur deklaraten e Partizanit, Tiranes, Beses, Vllaznise, Shkumbinit e Elbasanit, kane qene Skenderbeu dhe Kastrioti. Sipas informacioneve te para, presidentet e korcareve dhe krutaneve (skuadrat e te cilave kane pasur shpeshhere perplasje me FSHF-ne), nuk kane hezituar aspak t'u bashkengjiten homologeve te tyre.