Presidenti Bamir Topi ne Katar
Presidenti i Republikës, Bamir Topi, mori pjesë në Forumin e katërt Botëror të Aleancës së Qytetërimeve që po mbahet në Katar.
Në forum ai mbajti një fjalim ku deklaroi se “ne jemi një popull i cili ka ndërtuar historinë e vet nëpërmjet një rrugëtimi të gjatë përvetësimi besimesh apo kulturash të ndryshme, që prej paganizmit e deri në ditët tona, rrugëtim që e pasuroi brez pas brezi identitetin shqiptar e që bëri të mundur përjetësimin e tij në fjalët e vyera të rilindësit shqiptar Vaso Pasha “Feja e shqiptarit është shqiptaria”.
“Për shumicën e shqiptarëve, Aleanca e Qytetërimeve përbën një realitet të prekshëm. Parimet e kësaj nisme janë pjesë e natyrshme e trashëgimisë së traditave shqiptare, të cilat mbështeten në një bashkëjetesë afat-gjatë dhe të vyer ndërmjet feve kryesore ekzistuese, përgjatë historisë së lashtë dhe moderne”, theksoi Topi.
Ai shtoi se Aleanca e Qytetërimeve po luan rol të rëndësishëm në ndërtimin e urave të komunikimit ndërmjet shoqërive, duke promovuar mirëkuptimin për të ndikuar në zbehjen e pabarazive që ekzistojnë sot në botë.
Presidenti është pritur edhe nga Emiri i Shtetit të Katarit, Hamad Bin Khalifa Al Thani. Gjithashtu, Topi vlerësoi mbështetjen e vazhdueshme të shtetit të Katarit edhe për njohjen e pavarësisë së Kosovës, duke theksuar se tashmë Ballkani Perëndimor, i cili ka fituar siguri të qëndrueshme, me tregun e vet të përbërë nga vende që të ardhmen e kanë patjetër në strukturat euro-atlantike, paraqet mundësi tërheqëse për investime me shtrirje rajonale.
Një takim është zhvilluar edhe me shqiptarët që jetojnë në Katar.
Në forum ai mbajti një fjalim ku deklaroi se “ne jemi një popull i cili ka ndërtuar historinë e vet nëpërmjet një rrugëtimi të gjatë përvetësimi besimesh apo kulturash të ndryshme, që prej paganizmit e deri në ditët tona, rrugëtim që e pasuroi brez pas brezi identitetin shqiptar e që bëri të mundur përjetësimin e tij në fjalët e vyera të rilindësit shqiptar Vaso Pasha “Feja e shqiptarit është shqiptaria”.
“Për shumicën e shqiptarëve, Aleanca e Qytetërimeve përbën një realitet të prekshëm. Parimet e kësaj nisme janë pjesë e natyrshme e trashëgimisë së traditave shqiptare, të cilat mbështeten në një bashkëjetesë afat-gjatë dhe të vyer ndërmjet feve kryesore ekzistuese, përgjatë historisë së lashtë dhe moderne”, theksoi Topi.
Ai shtoi se Aleanca e Qytetërimeve po luan rol të rëndësishëm në ndërtimin e urave të komunikimit ndërmjet shoqërive, duke promovuar mirëkuptimin për të ndikuar në zbehjen e pabarazive që ekzistojnë sot në botë.
Presidenti është pritur edhe nga Emiri i Shtetit të Katarit, Hamad Bin Khalifa Al Thani. Gjithashtu, Topi vlerësoi mbështetjen e vazhdueshme të shtetit të Katarit edhe për njohjen e pavarësisë së Kosovës, duke theksuar se tashmë Ballkani Perëndimor, i cili ka fituar siguri të qëndrueshme, me tregun e vet të përbërë nga vende që të ardhmen e kanë patjetër në strukturat euro-atlantike, paraqet mundësi tërheqëse për investime me shtrirje rajonale.
Një takim është zhvilluar edhe me shqiptarët që jetojnë në Katar.