Presidenti Obama paralajmeron Gadafin te ndale sulmet kunder civileve
Presidenti Barak Obama e paralajmeroi udheheqesin libian Moamar Gadafi se forcat e tij duhet te ndalin sulmet kunder civileve ose perndryshe do te perballen me veprime ushtarake. Keto komente Presidenti i beri pasi Rezoluta e Keshillit te Sigurimit te OKB-se autorizoi vendosjen e zones se ndalim fluturimit dhe sulmet ushtarake kunder forcave qeveritare.
Vendet e NATOs kane filluar levizjen e avioneve dhe mjeteve te tjera ushtarake prane Libise per te vene ne zbatim rezoluten e Keshillit te Sigurimit te OKB-se qe autorizoi vendosjen e zones se ndalim fluturimit dhe sulmet ushtarake kunder forcave qeveritare.Trupat besnike te Moamar Gadafit ushtruan shtypje brutale ndaj rebeleve qe kerkojne ti japin fund sundimit 40 vjecar te Gadafit.
Nese nuk vezhgohet ne besojme se Gadafi do te kryeje krime kunder popullit te tij. Mijera njerez do vriteshin. Nje krize humanitare do te fillonte. Gjithe rajoni mund te destabilizohet duke rrezikuar vendet aleate dhe partneret tane - tha Presidenti Obama
Presidenti Obama tha se trupat e Gadafit duhet ti ndalin sulmet kunder civileve te ndalin veprimet ushtarake ne Bengaz dhe qytete tjera dhe te lejoje ndihmat humanitare per popullsine civile.
Keto kushte nuk jane te pa negociueshme. Nese Gadafi nuk respekton rezoluten e OKB-se komuniteti nderkombetar do ta zbatoje rezoluten permes veprimeve ushtarake.
Presidenti Obama nuk e permendi oferten e zotit Gadafi per armepushim.
Sekretarja amerikane e Shtetit Hillari Klinton u shpreh me skepticizem mbi armepushimin.
Se pari duhen marr masa urgjente per ndalimin e dhunes dhe ne duhet te shohim vendime te qarta te cilat duhet te zbatohen nga forcat e Gadafit per largimin e tyre nga pjesa lindore e vendit ku ata po kryejne nje fushate kunder opozites.
Sekretarja Klinton tha se vendosja e zones se ndalim fluturimit mbi Libi perfshin bombardimin e raketave kunder-ajrore dhe radareve. Ajo tha se Muamar Gadafi ka humbur legjitimitetin dhe duhet ta dorezoje pushtetin.
Ne besojme se rezultati perfundimtar i negociatave duhet te jete vendimi i kolonel Gadafit per tu larguar. Por kjo duhet bere gradualisht.
Shtetet e Bashkuara nuk mbeshtesin nderhyrje ushtarake me trupa tokesore por marina amerikane tani ka vendosur nje numer armatimesh prane brigjeve te Libise. Vendosja e zones se ndalim fluturimit mbi Libi mbeshtetet nga Lidhja Arabe dhe zyrtaret amerikane thone se qeverite e vendeve arabe duhet te luajne rol qendror ne veprimet ushtarake kunder Libise.