Presidenti Obama shpreh dhimbje dhe indinjate per vrasjen e ushtareve ne Gjermani
Dy anetare te forces ushtarake ajrore amerikane u vrane sot ne aerportin nderkombetar te Frankfurtit ne Gjermani. Forca ajrore amerikane thote se dy anetare te tjere te kesaj force u plagosen.
Policia gjermane thote se nje person i armatosur hapi zjarr ndaj pjesetareve te ushtrise amerikane ne nje autobus ne aeroportin e Frankfurtit.
Lejtnant kolonele Pamela Cook nendrejtore e marredhenieve me publikun per forcat ajrore amerikane ne Evrope foli me Zerin e Amerikes per incidentin.
Ajo qe dime eshte qe pati nje hapje zjarri ne Aeroportin Nderkombetar te Frankfurtit. Dy pjesetare te forces ajrore amerikane u vrane dhe dy u plagosen ne kete incident. Nga informacionet tona autoritetet gjermane e kane nen arrest autorin dhe presim qe hetimi te kete filluar.
Cook tha se pjesetaret e forces ajrore po shkonin per tu dislokuar kur ndodhi incidenti. Presidenti amerikan Barak Obama foli per incidentin ne Shtepine e Bardhe.
Jam i deshperruar dhe i indinjuar nga sulmi ku humben jeten dy pjesetare te ushtrise amerikane dhe u plagosen dy te tjere. Mendoj se i gjithe populli amerikan shpreh mirenjohjen per sherbimin e atyre qe humben jeten. Mishele dhe une i kemi ne mendimet dhe lutjet tona familjet dhe miqte e tyre dhe po shpresojme per sherimin e te plagosurve.
Ai shtoi se Shtetet e Bashkuara do te bejne te gjitha perpjekjet per te mesuar hollesite e incidentit dhe do te punojne me autoritetet gjermane per tu siguruar qe shkaktaret te cohen para drejtesise.
Ministri i Brendshem i Kosoves Bajram Rexhepi i tha Zerit te Amerikes se ishte informuar nga policia gjermane se i dyshuari ishte Arif Uka nje qytetar nga Kosova nga Mitrovica.
Rexhepi shprehu keqardhjen e thelle per incidentin dhe tha se autoritetet e Kosoves po bejne hetime. Ai tha se nuk eshte e qarte nese incidenti ishte akt terrorizmi.
Robert Pein zedhenesi nderkombetar i Fraport pronar dhe administrator i Aeroportit te Frankfurtit tha se autoritetet federale gjermane do te marrin te gjitha masat e duhura per sigurine e aeroportit si rezultat i incidentit.
Siguria e aeroporteve ne Gjermani eshte pergjegjesi e Ministrise se Brendshme gjermane dhe ne praktikisht zbatohet nga policia federale gjermane. Ata vendosin standartet dhe kerkesat dhe nese ka ndryshime qe mund te behen here pas here atehere ata jane pergjegjes ti zbatojne.
Kancelarja gjermane Angela Merkel shprehu ngushellimet e saj per viktimat dhe familjet e tyre duke thene se qeveria do te beje ceshte e mundur per te zbuluar cfare ka ndodhur.
Ushtria amerikane ka disa baza ne Gjermani duke perfshire bazen ajrore te Ramshtajnit afer Frankfurtit.