Presidenti Topi dekoron Panajot Panon "Nder i Kombit"
Presidenti i Republikës Bamir Topi ka dekoruar sot me titullin "Nder i Kombit" Legjendën e futbollit shqiptar Panajot Pano. Në ceremoninë e zhvilluar në Pallatin e Brigadave kanë marrë pjesë personalitete të shquar të sportit shqiptar. Në fjalën e tij Presidenti Topi u shpreh se Panajot Pano ka qenë jo vetëm një brilant në futbollin shqiptar por edhe një njeri me të gjitha parametrat e qytetarisë. Dekorimi i Panos ka qenë një detyrim për institucionet për të dhënë një diapazon për njerëzit që kanë dhënë shumë për kombin u shpreh Topi.