Presidenti Topi takon përfaqësues të partive politike shqiptare të Malit të Zi
30 qershor 2011
Ulqin, Mal i Zi
Gjatë qëndrimit të tij në Malin e Zi në kuadër të Samitit të SEECP, Presidenti i Republikës, Prof. Dr. Bamir Topi vizitoi qytetin e Ulqinit ku u mirëprit nga Kryetari i Komunës, z. Gëzim Hajdinaga. Në këtë qytet, Presidenti Topi zhvilloi një takim me përfaqësues të partive politike shqiptare në shtetin fqinj si psh. Kryetarin e Alternativës Qytetare Shqiptare, z. Gjergj Camaj, Kryetarin e Forcës së Re Demokratike, z. Nazif Cungu, Kryetarin e Partisë së Bashkimit Demokratik, z. Ali Doda si dhe përfaqësues të tjerë të Lidhjes Demokratike Shqiptare, Unionit Demokratik të Shqiptarëve, Partisë për Prosperitet Demokratik.
Në këtë takim, Kryetari i Shtetit shqiptar vuri në dukje rolin e rëndësishëm të partive politike shqiptare në mbrojtjen e interesave të shqiptarëve të Malit të Zi dhe të identitetit të tyre kombëtar, kulturor, gjuhësor e fetar. Presidenti Topi nënvizoi faktin se përpjekjet e këtyre partive politike duhet të karakterizohen nga maturia dhe përpjekjet për të zgjidhur me dialog kërkesat e tyre ndaj pushtetit qendror dhe administratës, ndërkohë që ndërgjegjësimi i tyre për pjesëmarrje aktive në jetën politike dhe administrative të vendit tashmë është i dukshëm. “Duhet të jeni të bashkuar duke dhënë gjithsekush diçka nga vetja. Duhet bashkëpunim dhe dialog mes jush për të përfaqësuar më së miri interesat e bashkësisë shqiptare në Mal të Zi, që shërbejnë si urë lidhëse në marrëdhëniet mes dy vendeve tona”, - u shpreh Presidenti i Republikës në këtë takim.
Ulqin, Mal i Zi
Gjatë qëndrimit të tij në Malin e Zi në kuadër të Samitit të SEECP, Presidenti i Republikës, Prof. Dr. Bamir Topi vizitoi qytetin e Ulqinit ku u mirëprit nga Kryetari i Komunës, z. Gëzim Hajdinaga. Në këtë qytet, Presidenti Topi zhvilloi një takim me përfaqësues të partive politike shqiptare në shtetin fqinj si psh. Kryetarin e Alternativës Qytetare Shqiptare, z. Gjergj Camaj, Kryetarin e Forcës së Re Demokratike, z. Nazif Cungu, Kryetarin e Partisë së Bashkimit Demokratik, z. Ali Doda si dhe përfaqësues të tjerë të Lidhjes Demokratike Shqiptare, Unionit Demokratik të Shqiptarëve, Partisë për Prosperitet Demokratik.
Në këtë takim, Kryetari i Shtetit shqiptar vuri në dukje rolin e rëndësishëm të partive politike shqiptare në mbrojtjen e interesave të shqiptarëve të Malit të Zi dhe të identitetit të tyre kombëtar, kulturor, gjuhësor e fetar. Presidenti Topi nënvizoi faktin se përpjekjet e këtyre partive politike duhet të karakterizohen nga maturia dhe përpjekjet për të zgjidhur me dialog kërkesat e tyre ndaj pushtetit qendror dhe administratës, ndërkohë që ndërgjegjësimi i tyre për pjesëmarrje aktive në jetën politike dhe administrative të vendit tashmë është i dukshëm. “Duhet të jeni të bashkuar duke dhënë gjithsekush diçka nga vetja. Duhet bashkëpunim dhe dialog mes jush për të përfaqësuar më së miri interesat e bashkësisë shqiptare në Mal të Zi, që shërbejnë si urë lidhëse në marrëdhëniet mes dy vendeve tona”, - u shpreh Presidenti i Republikës në këtë takim.