Presidenti dakord per emrat e ministrave
Presidenti i Republikes, Bamir Topi, jep pelqimin e tij per ndryshimet ne qeveri, duke i hapur rruge miratimit te tyre ne Kuvend. Me shpejt sesa pritej, kreu i shtetit firmosi per dekretet qe ndryshojne per te disaten here brenda pak viteve perberjen e kabinetit qeveritar "Berisha". Keshtu dje, Presidenti Topi dekretoi shkarkimin e Nard Ndokes nga posti i ministrit te Shendetesise, duke aprovuar plotesisht emerimin ne vend te tij te vajzes se republikanit Sabri Godo, Anila Godon. Po diten e djeshme, pa humbur kohe, duke qene se Kuvendi per kete sesion do te zhvilloje dhe dy seanca plenare, kreu i shtetit firmosi dhe emerimin e Fatos Bejes ne postin e ministrit te Arsimit. Kete vendim, Presidenti Topi e ndermori pas shkarkimit nga karrigia e ministrit te Genc Pollos, i cili u emerua ne detyren e numrit dy te qeverise, zevendeskryeministrit. Sipas procedures ligjore, ndryshimet ne kabinetin "Berisha", do te shkojne per votim ne seance plenare. Vetem pas votes se Kuvendit, ato do te quhen te miratuara. Per te mos humbur kohe, dekretet e Presidentit do te votohen ne seancen plenare te dites se hene. Pak dite para mbylljes se ketij sesioni parlamentar. I vetmi i humbur ne keto ndryshime eshte ministri i Shendetesise, Nard Ndoka, i cili mbetet pa post ministror dhe partia e tij pjese e koalicionit qeverises nuk do te kete asnje ministri. Ndryshimet ne kabinetin qeveritar priteshin te realizoheshin ne shtator te ketij viti, me nisjen e sesionit te ri parlamentar. Por presioni i Partise Republikane, aleate e qeverise, ndaj Kryeministrit dhe kabinetit te tij se nuk kishte asnje portofol ne qeveri, beri qe keto ndryshime te realizoheshin me shpejt nga sa pritej. Pas doreheqjes se ministrit te Mbrojtjes, Fatmir Mediu, nga detyra, per shkak te tragjedise se Gerdecit, republikanet nuk perfaqesoheshin ne qeveri me asnje minister. Situate qe duhet se aleatet kryesore te PD-se nuk e pertypnin per me gjate. Vendimi per ndryshime erdhi pas disa negociatave te vazhdueshme mes koalicionit te djathte ne pushtet. E duke qene se nderhyri ne kabinet, Kryeministri Sali Berisha mendoi qe te plotesoje dhe vendin bosh te zv/kryeministrit, i krijuar pas largimit te Gazmend Oketes ne Ministrine e Mbrojtjes. Ne keto ndryshime, Kryeministri nuk perfshiu PDK-ne qe per momentin eshte jashte kabinetit qeveritar. Rozeta Rapushi