SHBA: Gjyqtaret, larg interesave partiake
Nje grup gjyqtaresh te Shteteve te Bashkuara te Amerikes, i sugjerojne Komisionit te Ligjeve qe te ngrihet mbi interesat partiake dhe te vendose per anetaret e rinj te Gjykates se Larte. Nderkohe qe, theksojne se eshte e drejte kushtetuese e Presidentit te Republikes per te bere nje hetim, ne menyre qe te gjeje kandidate te kualifikuar per t'u emeruar ne Gjykaten e Larte. Nepermjet nje shkrese zyrtare, dorezuar ne kete komision, qe dje nisi shqyrtimin e kandidateve per postin e anetareve ne Gjykaten e Larte, gjyqtaret sugjerojne nje proces transparent per nje gjyqesor profesional. "Seancat degjimore te Parlamentit per te emeruarit ne Gjykaten e Larte duhet te ngrihen mbi interesat partiake dhe taktikat akuzuese. Sulmet personale mbi te emeruarit dhe pandehmat e paprovuara nuk duhet te pengojne kandidatet per te sherbyer ne Gjykaten e Larte", theksojne gjyqtaret e SHBA si Xhon Uoker, Pol A. Magnuson apo ish-kryetari i Gjykates se Larte te Shtetit te Uashingtonit, Robert Ater. Sipas tyre, Parlamenti vepron si nje ruajtes i rendesishem dhe duhet te qendroje mbi politiken per te pranuar te emeruarit per ne Gjykaten e Larte, te cilet do t'u sherbejne shqiptareve me profesionalizem dhe gjykime te pavarura. "Ky proces do t'i tregoje popullit shqiptar dhe botes se shqiptaret deshirojne te kene nje pushtet gjyqesor profesional dhe te pavarur, qe do te garantoje te drejtat dhe lirite e qytetareve te tij edhe per brezat e ardhshem", sugjerojne gjyqtaret. Ata i vene ne dukje anetareve te komisionit te ligjeve, se bota po vezhgon se si Parlamenti po bashkevepron me gjyqesorin. "Tani Parlamenti ka mundesine qe te mbroje e te zhvilloje nje sistem te pavarur gjyqesor ne Shqiperi duke vleresuar emerimet e Presidentit per ne Gjykaten e Larte me transparence dhe me drejtesi", vijon shkresa e gjyqtareve amerikane. Ne leter, gjyqtaret shprehen dhe per menyren e dorezimit te kandidateve ne Kuvend nga Presidenti Bamir Topi per postet vakante ne Gjykaten e Larte. Ndonese vleresojne zhvillimin e seancave degjimore, gjyqtaret e SHBA theksojne se eshte ne tagrin dhe detyrimin e Presidentit per te bere nje hetim, ne menyre qe te gjeje kandidate te kualifikuar per t'u emeruar ne Gjykaten e Larte. "Sipas Kushtetutes dhe per te permbushur parimet demokratike, kjo duhet te mbetet e drejta ekskluzive e Presidentit te Republikes", thuhet ne leter. Prandaj, sipas tyre, eshte thelbesore qe Parlamenti te kryeje seancat degjimore per secilin kandidat ne nje menyre te drejte dhe te ekuilibruar per te siguruar qe kandidatet me te kualifikuar do te pranohen per ne Gjykaten e Larte.