Presidenti i ri, përfundon takimi Berisha-Nano

TIRANE- Ka zgjatur rreth gjysme ore takimi mes kandidatit te vetëshpallur për president të Republikës, Fatos Nano me kryeministrin e vendin, Sali Berisha ne godinen qeveritare.

Nano ka hyre ne orarin e percaktuar, ne 14.30 ne kryeministri dhe ka dale prej saj ne oren 15.09 minuta, pa bere asnje deklarate per mediat lidhur me biseden e zhvilluar.

Gjatë këtij takimi, mesohet se Nano ka njohur kryeministrin Berisha me platformën e tij për zgjedhjen në krye të shtetit. Me kete takim, vleresuar edhe si me i rendesishmi, Nano ka mbyllur etepen e takimeve konsultuese me kreret e partive.

Ish lideri socialist, që prej shpalljes së kandidaturës së tij është takuar me të gjithë krerët e partive parlamentare, nga disa prej te cileve ka marre mbeshtetje te drejteperdrejte.

Nano është takuar me kreun e Partisë Socialiste, Edi Rama, kreun e LSI-se, Ilir Meta, kryetarin e PBDNJ-se, Vangjel Dule, kryetarin e partisë PDIU, Shpëtim Idrizi si dhe një ditë më parë kreun e Partisë Republikane, Fatmir Mediu.