Presidenti madrilen ve veton

Presidenti i Real Madridit, Ramon Kalderon, ka hedhur poshte zerat se klubi i tij do te beje perpjekje per te transferuar sulmuesin kamerunas te Barcelones, Samuel Eto. "Aspak nuk jemi te interesuar per transferimin e Etose. Nuk e di se nga kane dale keta zera, sepse eshte e logjikshme qe Barcelona nuk do t'ia shiste lojtarin e saj Realit. Ne qe tash kemi nje skuader shume te forte, e cila edicionin e kaluar e fitoi titullin e kampionit. Na duhen vetem disa lojtare te rinj", ka theksuar Kalderon. Numri nje i Realit i ka porositur tifozet e ketij klubi se duhet te jene te kujdesshem, kur eshte ne pyetje ardhja eventuale e Kristiano Ronaldos nga Mancester Junajtedi. "Nuk kemi asgje te re te themi rreth ceshtjes "Ronaldo". Momentalisht vetem jemi duke shikuar se si po ecin gjerat dhe po presim", ka theksuar Kalderon. Sulmuesi kamerunas, Samuel Eto, karrieren ne Spanje e ka filluar pikerisht te Reali, por ka luajtur per ekipin e dyte qe nga viti 1997 deri ne vitin 2000. Me pas Eto kaloi te Majorka, kurse ne vitin 2004 u bashkua me Barcelonen, ne te cilen skuader ka luajtur 108 ndeshje, duke shenuar 77 gola. Me shume sesa nje ceshtje preference, eshte ceshtje krenarie, pasi madrilenet nuk kane ndermend t'i hapin dyert nje lojtari qe disa vjet me pare e cilesuan si te pavlefshem per skuadren e tyre.

Presidenti i FIA-s fiton gjyqin