Presidenti takon Nanon me Berishën, asnjë prononcim

Një takim të shkurtër dhe asnjë prononcim për mediat, kështu e ka përmbyllur turin e konsultave kandidati i vetëofruar për president Fatos Nano.
 

Rreth 35 minuta diskutime të tij me kreun e Qeverisë së vendit Sali Berisha kanë lëndë në mjegull jo vetëm mediat që ishin rreshtuar në ambjentet e jashtme të Kryeministrisë, por dhe mbarë publikun , duke mbetur mister qëndrimi i të dy palëve.
 

Kandidati i vetëshpallur për postin e kreut të shtetit Nano ka njohur Kryeministrin Berisha me platformën e tij, ndërkohë që në këtë mënyrë ai sot përmbyll edhe bisedimet konsultuese me krerët e partive parlamentare.
 

Vetëm një ditë më parë Kryeministri Sali Berisha deklaroi se do të prononcohet për zgjedhjen e Presidentit të ri vetëm pasi të kthehet nga Samiti i Çikagos.

Ish lideri socialist, që prej shpalljes së kandidaturës së tij është takuar me të gjithë krerët e partive parlamentare, nga disa prej te cileve ka marre mbeshtetje te drejteperdrejte.
 

Më herët Nano është takuar me kruen e LSI-së Ilir Meta, me kreun e PS-së Edi Rama, me kreun e PDIU-së Shpëtim Idrizi, me kreun e PBDNJ-it Vangjel Dule dhe së fundi edhe me kreun e Partisë Republikane Fatmir Mediu.