Priftanji: Bashkë punim me studentë t pë r kë rkesat
Sot 11 perfaqesues te levizjes studentore ne Fakultetin e Mjekesise pritet te futen ne greve urie. Nderkohe qe sipas dekanit te ketij fakulteti, perveçse njoftimeve ne media, zyrtarisht nuk eshte bere asnje lajmerim nga studentet per ambientet ku ata pritet te zhvillojne kete greve. Ai beri me dije dje se nuk do kete nderprerje te mesimit. Procesi do te vazhdoje normalisht, ashtu siç ka vijuar deri tani. “Fakulteti nuk mund te çoroditet. Studentet jane te lire te futen edhe ne greve, por ajo duhet te behet sipas rregullave dhe ligjit. Dekanati nuk ka asnje njoftim”, tha dekani i Fakultetit te Mjekesise. Nderkaq, Priftanji sqaroi per gazeten se dje eshte bere nje takim me keshillin studentor te fakultetit, qe eshte organi perfaqesues i tyre, te cilin e njeh dhe ligji. “Me keshillin studentor eshte rene dakord qe te bashkepunohet per plotesimin e kerkesave qe kane
studentet, por ne menyre paqesore dhe jo me ultimatume. Gjithashtu, ne ftuam ne kete takim edhe perfaqesuesit e levizjes studentore qe kane bere protesta ditet e fundit, por ata nuk erdhen”, tha Priftanji. Ai u beri thirrje te gjitha strukturave te Universitetit te Tiranes te marrin masa jo per te nxitur konflikte te kesaj natyre, por per te çuar ne nje zgjidhje te situates, e cila kerkon bashkepunimin e te gjitha hallkave. “Kerkesat e studenteve ne nje pjese te madhe te tyre jane probleme te evidentuara nga fakulteti dhe te vena ne rrugen e zgjidhjes. Ne vijim te takimit qe ne patem me keshillin studentor, por edhe perfaqesuesin e Levizjes Studentore per Reformim ne 26 nentor, jane lene edhe afatet perkatese per plotesimin e ketyre kerkesave”, tha Priftanji. Ai shprehu gatishmerine per te bashkepunuar me studentet per te gjitha problemet e ngritura. Nderkohe, perfaqesuesi i Levizjes Studentore per Reformim, Taulant Muka, theksoi per gazeten se sot pritet pas futjes ne greve te konkretizohen edhe kerkesat qe ata kane. Pa plotesimin e ketyre kerkesave, ne nuk do te terhiqemi”, tha Muka. Greva pritet te nise sot rreth ores 10 e 30. Sakaq, burime nga Fakulteti i Mjekesise, te cilat nuk duan te behen publike, pohuan per gazeten se greva po nxitet per arsye te ngushta personale, nga fraksione te caktuara brenda ketij fakulteti. Ky fakt u kundershtua me force nga studentet pas komunikimit qe patem me ta. Sot gjithashtu pritet te mblidhet ne rektorat edhe keshilli i profesoreve, qe eshte organi me i larte i Fakultetit te Mjekesise, per te dale me nje qendrim lidhur me problemet e krijuara se fundmi ne kete fakultet. Ne fakt, situata eshte me e komplikuar nga sa duket, pasi qendrimet qofte nga studentet, qofte nga pedagoget, nuk jane te unifikuara.