Princi Leka në telashe, banka i vendos sekuestro se nuk ka shlyer kreditë

Princi Leka është në telashe për shkak të një kredie të stërmadhe prej 543 mijë eurosh, që e ka marrë nga një bankë e nivelit të dytë për të blerë disa apartamente. Në deklaratën e pasurisë nuk është specifikuar se çfarë ka lënë garanci për këtë shumë të madhe Princi, që ka punuar si këshilltar në Ministrinë e Jashtme. Siç raporton gazeta Shqip, në deklaratën e tij të pasurisë thuhet se ndaj tij ka nisur procedura e sekuestrimit për shkak të mos shlyerjes së kredisë.