Princi Saudit blen 300 milionë dollarë aksione të “Twitter”-it

Drejtues i grupit “Kingdom Holding” dhe nipi i Mbretit të Arabisë Saudite  Abdullah, Princi El Velid ka vendosur të investojë mbi shoqëritë në zhvillim në rang botëror.

Drejtuesi i marrëdhënieve me jashtë në “Kingdom Holding”, Ahmed Halavani shprehet optimist për investimin e realizuar dhe mendon se ky investim do të ndryshojë krejtësisht pamjen e industrisë mediatike në vitet e ardhshme të medies sociale.

 I njohur për investimet e tij në fushën mediatike, si në televizionet “Al-Xhazira” dhe “Al-Arabija”, Princi El Velid dhe kompania “Kingdom Holding” vitin e ardhshëm do të investojë në hapjen e një kanali të ri të quajtur “E-Arab”. /Start/Aisa Kokiçi/

                                                                                             2011-12-21 10:13