Prioritetet e Luksic si të Djukanovic

Mandatari Igor Luksic deklaroi të martën në Kuvendin e Malit të Zi se qeveria e tij “do t’i ketë prioritetet” si të qeverisë së kryeministrit të deritanishëm, Milo Djukanovic, që u tërhoq më 21 dhjetor.

"Edhe qeveria e re, sikurse e kaluara, do t’i përkushtohet kontinuitetit të realizimit të interesave nacional, dhe përmbushjes së kushteve për prosperitetin ekonomik të vendit”, theksoi Luksic në ekspozenë e tij në Kuvend, në fillim të debatit për propozimin e përbërjes së Kabinetit të ri qeveritar.

Luksic për qeverinë e tij ka propozuar gjashtë ministra të rinj.