Prishtina dhe Beogradi shkëmbejnë “ambasadorët”

Prishtina dhe Beogradi shkëmbejnë sot oficerët ndërlidhës.

Lulzim Peci do të bëhet zyrtari i parë i shtetit të Kosovës që do të fillojë punën në kryeqytetin serb.

Homolog i tij në Prishtinë do të jetë Dejan Paviqeviq.

Hapja e misioneve të posaçme diplomatike të Kosovës dhe Serbisë në vendet gjegjëse është vlerësuar si hap i rëndësishëm drejt normalizimit të marrëdhënieve midis dy shteteve të pavarura.

Ajo është pjesë e marrëveshjeve të arritura në bisedimet ndërmjet kryeministrave të Kosovës dhe Serbisë, Hashim Thaçi e Ivica Daçiq, të ndërmjetësuara nga Bashkimi Evropian./Indeksonline/