Prishtinë, 251 të arrestuar nga janari 2009

Prishtinë - Që nga një janari i vitit 2009 policia e rajonit të Prishtinës ka arritur të paraburgos 251 persona të dyshuar për vepra të ndryshme penale prej tyre 60 dyshohet të jenë të përfshirë në raste të vjedhjeve dhe vjedhjeve të rënda. Hetuesit rajonal në bashkëpunim me hetuesit e stacioneve policore janë në vazhdimësi të operacioneve për kapjen e të dyshuarve për rastet e vjedhjeve të rënda. Një nga këto operacione të organizuara mirë, në drejtim të kapjes së personave, për të cilët dyshohej me bazë të jenë të përfshirë në gjashtë raste të vjedhjeve të rënda që kanë ndodhur fshatin Llapushnik të Drenasit, u finalizua me sukses më datë 17/03/2009, ku u arrestuan dhjetë persona të dyshuar.QIK