Priste predhen me troko per skrap, plagoset pas shperthimit

Elbasan- Prerja e predhes me troko qe ta shiste per skrap, e ka lene te plagosur pas shperthimit, sepse nuk e dinte qe ishte aktive. Ngjarja ka ndodhur dje rreth ores 13:00 ne Katund te Ri, pak kilometra larg Elbasanit. Mefail Hila, 49 vjec, ishte duke prere disa hekurishte ne oborr, te cilat i perdorte per skrap. Mes hekurishteve ka qene edhe nje predhe e vjeter artilerie te cilen ka nisur ta prese me troko. Por municioni luftarak shperthen duke i shkaktuar plage te ndryshme, ne trup e gjymtyre. I plagosuri eshte derguar ne spitalin e Elbasanit dhe eshte jashte rrezikut per jeten. Ne vendin e ngjarjes shkuan ekspertet dhe nje grup hetimor, qe nuk kane mundur te percaktojne llojin e predhes, megjithate sipas te dhenave behet fjale per municion te vjeter, ndoshta i Luftes se Dyte Boterore. Ky eshte rasti i pare i kesaj natyre, per kete vit ne Elbasan. Vitin e kaluar u regjistruan pese shperthime me pasoje vdekjen e dy personave dhe plagosjen e 8 te tjereve, mes te cileve ka pasur edhe femije.

F. S.